Saison-Schlusswort 2016/2017

Und bereits isch wieder ä Saison z’Änd…

S Turner-Chränzli isch au scho Vergangeheit und mier händ scho d‘Fasnacht 2017/2018 ide Chöpf.

Es isch e tolli und erläbnisriichi Ziit gsi und mier erinnered ois ganz gärn a so mängi schöni Stunde und au Täg/Weekend zrugg!

Danke a Alli Göpfis, für das won’n ihr Alli di ganz Saison für dä Verein gleistet händ!

Es grosses Kompliment a oi Alli!

Und au es grosses Danke für alli Fans und Göpfi-Begeisterete, ihr händ ois zu däm gmacht, wo mier sind! Eifach e tolli und läbhafti Guggemusig-Truppe!


Bisch DU interessiert genau bi dere tolle Truppe mitz’würke?

Dänn sötted mier ois unbedingt mal kännälärne! Au wänn DU na keis Instrument spielsch…das bringed mier DIER scho bii. Mier locked DIINI verborgene Talänt as Tagesliecht.

Jez isch es de perfäkti Ziitpunkt zum sich bi ois zmäldä. Mier sueched ……..villicht genau DICH!

Kontakt: Fabienne Reusser, Präsidentin, praesident@goepfischraenzer.ch

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.